ಕನಕಪುರ: ತಾಲೂಕಿನ ಗ್ರಾಮೀಣ ಪ್ರದೇಶಗಳಲ್ಲಿ ಅಕ್ರಮ ಮದ್ಯ ಮಾರಾಟವು ಹೆಮ್ಮರವಾಗಿ ಬೆಳೆದಿದ್ದು, ಬಡ ಕೂಲಿಕಾರ್ಮಿಕರ ಜೀವನ ದುಸ್ತರವಾಗಿದೆ. ಸಣ್ಣ ಸಣ್ಣ ಗೂಡಂಗಡಿಗಳಲ್ಲಿ ಎಗ್ಗಿಲ್ಲದೆ ನಡೆಯುತ್ತಿರುವ ಈ ವ್ಯವಹಾರದಿಂದಾಗಿ ಜನಸಾಮಾನ್ಯರ ದುಡಿಮೆಯ ಬಹುಪಾಲು ಹಣ ಮದ್ಯದ ಪಾಲಾಗುತ್ತಿದೆ. ಸರ್ಕಾರ ನಿಗದಿಪಡಿಸಿದ ಬೆಲೆಗಿಂತ ದುಪ್ಪಟ್ಟು ಹಣವನ್ನು ವಸೂಲಿ ಮಾಡಿ ಇಲ್ಲಿ ಮದ್ಯ ಮಾರಾಟ ಮಾಡಲಾಗುತ್ತಿದೆ. ರಾತ್ರಿ ಎನ್ನದೆ, ಹಗಲೆನ್ನದೆ ಎಲ್ಲ ಸಮಯದಲ್ಲೂ ಮದ್ಯ ಲಭ್ಯವಿರುವುದರಿಂದ ಕುಡಿತದ ಚಟಕ್ಕೆ ಬೀಳುವವರ ಸಂಖ್ಯೆ ಹೆಚ್ಚುತ್ತಿದೆ. ಬೆಳಿಗ್ಗೆ ಕಷ್ಟಪಟ್ಟು ದುಡಿದ ಹಣ ಸಂಜೆಯಾಗುವಷ್ಟರಲ್ಲಿ ಈ…